請選擇項目 Where to go?
Shopping Cart

購物車內沒有任何商品。

[ameliabooking]

陽光很溫柔
剛好也灑落在你臉上
怕我看不夠
時間停不下來 離開還是停留
Serrini ‘當陽光灑落在你臉上’ @ KK Box

癸卯年 庚申月 丙午日 丁酉時
2023-08-16 17:38
獅子座新月

日與光的差別就是溫度。你愛的是溫暖的太陽還是細膩的光?

優雅的光耀女神(靚) 芙蕾雅 Freyja

不夠世俗的臻叔又忘了藍月是發財的好時機,由半個月前的滿月開始就是很重要很重要很重要的祈願時間。所以睇緊呢段字既你,課咗金俾臻叔未?

仲有,踏入農曆鬼月,你又課咗金俾臻叔保平安未?

好,爛 gag 講完,入正題。今個月臻叔基本上唔會開新坑,要報儀式祈福的自便、要訂巫香噴霧或配方型巫香都請自便。每年 8 月(正確係申月,8月8日-9月7日)都忙呢件事應該唔係秘密,如果你未知,咁你而家知了。

巫師的工作唔係 Sales,而係日常保養,你有求、我有供,that’s all。但好似中醫咁,唔好出事戈刻先黎諗搵唔搵臻叔,救唔切、都唔係好想救。而今個週年,啊叔希望自己既工作能多一份優雅,氛圍由中醫,升華為中醫慨念 Spa,要靚、要優雅、更要神靈的照顧與鋪路。

為咗更快地達成呢件事,瞓著曬日光的病床工作模式啊叔今日誠意為各位善信推出「神靈界的光源氏計劃(X」。貫徹落實茶療「治未病」的美好想法1

以下三位神明,於即日起以以下聖名接納善信供奉:

  1. 破除人界詛咒的重生太陽神 – 荷魯斯 Horus
  2. 貫天地古今未來財寶的太陽之王 – 天照大御神 Amaterasu
  3. 破除人界萬闇詛咒的無限女神(靚)暨整全治療女神(優雅)暨神界首席女秘書(性感) – 西杜麗 Siduri

西姐係咁架喇,自己習慣下。然後發現五條悟後生根本係男版西姐,尤其「無限」呢個權能,仲有性格同顏藝

供奉可以係課金祈福度註明奉呢一位神明,啊叔會識做去供好相關老闆。而自己做就係自己進行儀式時以此名號敬拜即可。至於點解要用呢個名號敬拜,用最地道既說法:添香油/交陀地/買保險。熟客都知,課得耐咗,有時神明係會直接要臻叔幫手轉述一啲資訊,甚至平日會睇實啲。結神緣咪係做呢啲,而臻叔就係擅長做呢啲,新世紀廟祝戰士

[ameliaeventslistbooking]
攝 臻媽 ‧ 古姆洛夫@2019

有些事情,只能追憶。但至少,我有為那一刻的自己,留下了底片,讓自己可以在這一刻躺著回看。

本週更新

  1. 更新了一堆軟件版本
  2. 緩慢地更新亂碼
  3. 腰痛,甚麼也做不好

  1. 臻叔腦熱,覺得做儀式其實係咪都會供茶架啦,但又好似唔係好知自己點先做到符合醫療效果同科學根據既配茶,就直接去讀茶療師,又手殘順手課咗金考國家認證,兩個月後考,利伸呢刻仲未溫過書。 ↩︎

發佈留言