客服專線 Psychic 2751

開多個新坑，當係自己既練習紀錄。真係開始可以「聽」得明寵物既語言都係近一年既事，自問冇乜信心但主人話係就係啦，其實我只係覺得自己多嘴。

2022-08-07 12:00

帶慘去萌寵工房沖涼（神犬唯一指定寵物美容），今次佢係門口聞完直接行入去，但平時佢係唔會入，但基於佢係一條冇膽的狗所以我平時我冇特別問，但今次我問咗佢。

慘：「好惡戈隻狗唔係度。」

戈一刻未聽得明佢講咩，但咁講一係有一隻狗被領養走左、又或真係走咗，因為我早帶佢去其實戈時未有其他狗係度。

少少細思極恐⋯⋯

2022-08-07 15:00

因為夜晚有儀式所以早少少接咗佢先，又衰既個時間阻著工房啲姐姐食飯。入去某慘係度撲我，但由於佢HIGH到接唔到線咁濟，我只係聽到佢講：「好開心呀好開心呀好開心呀」

額⋯⋯

都未定神睇下有咩狗係度時，我個腦就一輪嘴接收咗大量訊息，定一定神望到原來係 Jimmy，我呆咗呆平時 Jimmy 唔係好理我、都唔係好認得我，今次咁厲害咁主動既。大約係佢認知到黎接某慘戈位雄性，可以傳話呢一件事。

唔係好知佢點理解到呢件事，但聽到咩咪轉述啲咩。都係問診式講佢有咩唔舒服同想食啲咩咁，唔係好清楚係咩一回事但轉述返俾主人知就係我自己可以做既事了。

另外就係年糕，年糕之前都唔係唔理我，但今次都講咗唔少嘢。我諗年糕都差唔多兩歲，大部份狗都係兩歲前我基本上溝通唔到，同晤慘都係兩歲前後就突然可以溝通到了。

雖然年糕講既嘢就我所知就唔係太合理，但都係轉述返俾主人知啦，反正佢主人又我唔係唔識。年糕既投訴係好悶、條佬又少同佢玩，黎到（？）就只係影相，仲成日有其他 __ 人既味（咦？！年糕你賣主人喎！）

利申返最後戈句我冇轉述，KEEP係呢度便好，反正施SIR都唔會睇呢篇Blog haha

仲有就係年糕其實唔鐘意去沖涼度咁長時間，唔知再大啲會唔會好啲，但似乎佢覺得工房啲狗好嘈。

我諗呢個系列一個月可能只會有一篇左右，因為晤慘係大約一個月先去一次。如果有其他分享，都會放呢度既，同植物既溝通應該都會擺埋落呢個系列度～

至於晤慘呢～就因為我抱佢返去而唔俾佢落地行小嬲咗一陣，哈哈哈哈哈。

以上。